KRC School Vibhutihalli. Almel

ಅಲಮೇಲ: ಸ್ಥಳೀಯ ತಾಲೂಕಿನ ವಿಭೂತಿಹಳ್ಳಿಯ ಸರಕಾರಿ ಕಿತ್ತೂರು ರಾಣಿ ಚನ್ನಮ್ಮ ವಸತಿ ಶಾಲೆಯು 2026ನೇ ಸಾಲಿನ ಎಸ್‌ಎಸ್‌ಎಲ್‌ಸಿ (SSLC) ಪರೀಕ್ಷೆಯಲ್ಲಿ ಶೇ. 100 ರಷ್ಟು ಫಲಿತಾಂಶ ದಾಖಲಿಸಿ ಅಭೂತಪೂರ್ವ ಸಾಧನೆ ಮಾಡಿದೆ. ಶಾಲೆಯ ಒಟ್ಟು 24 ವಿದ್ಯಾರ್ಥಿನಿಯರು ಅತ್ಯುನ್ನತ ಶ್ರೇಣಿಯಲ್ಲಿ (Distinction) ಉತ್ತೀರ್ಣರಾಗುವ ಮೂಲಕ ಶಾಲೆಗೆ ಕೀರ್ತಿ ತಂದಿದ್ದಾರೆ. ​ ಪದ್ಮಾವತಿ ತಳಕೇರಿ : 625ಕ್ಕೆ 608 ಅಂಕಗಳನ್ನು (ಶೇ. 97.28) ಪಡೆಯುವ ಮೂಲಕ ಶಾಲೆಗೆ ಪ್ರಥಮ ಸ್ಥಾನ ಪಡೆದಿದ್ದಾಳೆ. ಪೂಜಾ ನೈಕೋಡಿ: 606 ಅಂಕ (ಶೇ. 97.00) ಪಡೆದು ದ್ವಿತೀಯ ಸ್ಥಾನ. ​ಭಾಗ್ಯಲಕ್ಷ್ಮಿ ಬಂಡಗಾರ: 602 ಅಂಕ (ಶೇ. 96.32) ಪಡೆದು ತೃತೀಯ ಸ್ಥಾನ. ​ವೇದಾಂತಿ ಹಿಕ್ಕನಗುತ್ತಿ: 600 ಅಂಕ (ಶೇ. 96.00) ಗಳಿಸಿ ಶ್ಲಾಘನೀಯ ಸಾಧನೆ ಮಾಡಿದ್ದಾರೆ. ವಿಷಯವಾರು ನೂರಕ್ಕೆ ನೂರು ಅಂಕಗಳು: ವಿವಿಧ ವಿಷಯಗಳಲ್ಲಿ ವಿದ್ಯಾರ್ಥಿನಿಯರು ಗರಿಷ್ಠ ಅಂಕಗಳನ್ನು ಪಡೆಯುವ ಮೂಲಕ ಗಮನ ಸೆಳೆದಿದ್ದಾರೆ: ​ ಹಿಂದಿ: ಒಟ್ಟು 10 ವಿದ್ಯಾರ್ಥಿನಿಯರು 100ಕ್ಕೆ 100 ಅಂಕಗಳನ್ನು ಗಳಿಸಿದ್ದಾರೆ. ​ಕನ್ನಡ: ಇಬ್ಬರು ವಿದ್ಯಾರ್ಥಿನಿಯರು 100ಕ್ಕೆ 100 ಅಂಕ ಪಡೆದಿದ್ದಾರೆ. ​ಸಮಾಜ ವಿಜ್ಞಾನ: ಇಬ್ಬರು ವಿದ್ಯಾರ್ಥಿನಿಯರು 100ಕ್ಕೆ 100 ಅಂಕಗಳನ್ನು ಸಾಧಿಸಿದ್ದಾರೆ. ವಿದ್ಯಾರ್ಥಿನಿಯರ ಈ ಅಮೋಘ ಸಾಧನೆಗೆ ಶಾಲೆಯ ಪ್ರಾಂಶುಪಾಲರಾದ ಪ್ರಭಾಕರ್ ಪಾಟೀಲ್, ಹಿಂದಿ ಶಿಕ್ಷಕರಾದ ಬಸವರಾಜ ಭೂತಿ, ಕನ್ನಡ ಶಿಕ್...

Facebook .  instagram ಶಾಲಾ ಜೀವನದ ಒಂದು ಭಾವಯಾನ          ಇಂದು ನಮ್ಮ ಶಾಲೆಯ ಅಂಗಳದಲ್ಲಿ ಒಂದು ವಿಶಿಷ್ಟ ಮೌನ. ಎಸ್‌ಎಸ್‌ಎಲ್‌ಸಿ ಪರೀಕ್ಷೆಯ ಮೊದಲ ದಿನ. ಐದು ವರ್ಷಗಳ ಹಿಂದೆ, ಅಮ್ಮನ ಸೆರಗು ಹಿಡಿದು, ಕಣ್ಣೀರು ಹಾಕುತ್ತಾ ನಮ್ಮ ಶಾಲೆಗೆ ಬಂದ ಪುಟ್ಟ ಮಕ್ಕಳು ಇಂದು ಆತ್ಮವಿಶ್ವಾಸದ ಮೂರ್ತಿಗಳಾಗಿ ಪರೀಕ್ಷಾ ಕೇಂದ್ರದತ್ತ ಹೆಜ್ಜೆ ಹಾಕುತ್ತಿದ್ದಾರೆ. ​ ​"ಬರಿಗೈಲಿ ಬಂದು ಇಂದು ಸಾಧನೆಯ ಶಿಖರ ಏರಲು ಸನ್ನದ್ಧವಾಗಿವೆ. ಜ್ಞಾನದ ಸುಂದರ ಮೂರ್ತಿಗಳಾಗಿ ಕಂಗೊಳಿಸುತ್ತಿವೆ. ಇದೆ ಶಿಕ್ಷಕನ ಬದುಕಿನ ಧನ್ಯತಾ ಭಾವ." ​ನಮ್ಮ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆ ಕೇವಲ ಕಟ್ಟಡವಲ್ಲ; ಇದು ಸಾವಿರಾರು ಹೆಣ್ಣುಮಕ್ಕಳ ಕನಸುಗಳ ತಾಣ. 6ನೇ ತರಗತಿಗೆ ಬಂದಾಗ ಮನೆ ನೆನಪಿನಲ್ಲಿ ಜಪ್ಪಿಟ್ಟು ಕುಳಿತ ಆ ಮುಗ್ಧ ಮುಖಗಳು ಈಗಲೂ ಕಣ್ಣ ಮುಂದೆ ಇವೆ. ಅಂದು ನಾವು ಅವರಿಗೆ ಕೇವಲ ಪಾಠ ಹೇಳಿಕೊಡದೆ, ಅಮ್ಮನ ಪ್ರೀತಿ, ಅಪ್ಪನ ಧೈರ್ಯ ಮತ್ತು ಅಕ್ಕರೆ ನೀಡಿ. ಆ ಪುಟ್ಟ ಹಕ್ಕಿಗಳಿಗೆ ಇಂದು ಜ್ಞಾನದ ರೆಕ್ಕೆ ಮೂಡಿಸಿ, ಬಾನ ಎತ್ತರಕ್ಕೆ ಹಾರಲು ಸಜ್ಜುಗೊಳಿಸಿದೇವು. "​KREIS" ಸಂಸ್ಥೆಯ "ಪ್ರತಿಭೆಗೆ ಪುರಸ್ಕಾರ" ಎಂಬ ದ್ಯೇಯ ವ್ಯಾಕ್ಯದಂತೆ, ವಿಭೂತಿಹಳ್ಳಿಯ ಈ ಮಣ್ಣಿನಲ್ಲಿ ನಾವು ನಿಮ್ಮ ಪ್ರತಿಭೆಯನ್ನು ಗುರುತಿಸಿ ಪುರಸ್ಕರಿಸಿ. ಶಿಕ್ಷಕ ವೃಂದ ರಾತ್ರಿ-ಹಗಲೆನ್ನದೆ ನಿಮ್ಮ ಏಳಿಗೆಗಾಗಿ ಶ್ರಮಿಸಿತು. ನಾವು ಮಾಡಿದ ಪಾಠ ಮತ್ತು ವಿಶೇ...

ವಿಭೂತಿಹಳ್ಳಿ (ಆಲಮೇಲ), ಫೆ. 18, 2026:  ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆ, ವಿಭೂತಿಹಳ್ಳಿ (ತಾ. ಆಲಮೇಲ) ಇಲ್ಲಿ 2025-26ನೇ ಸಾಲಿನ ಶಾಲಾ ವಾರ್ಷಿಕೋತ್ಸವ ಹಾಗೂ ಎಸ್.ಎಸ್.ಎಲ್.ಸಿ ವಿದ್ಯಾರ್ಥಿನಿಯರ ಬೀಳ್ಕೊಡುಗೆ ಸಮಾರಂಭವು ಬುಧವಾರ ಮಧ್ಯಾಹ್ನ 3.00 ಗಂಟೆಗೆ ಶಾಲಾ ಆವರಣದಲ್ಲಿ ಅದ್ದೂರಿಯಾಗಿ ನಡೆಯಿತು. ಕಾರ್ಯಕ್ರಮಕ್ಕೆ ದಿವ್ಯ ಸಾನಿಧ್ಯವನ್ನು ಶ್ರೀ ಶ್ರೀ ಶ್ರೀ ಷ. ಬ್ರ. ಆನಂದಲಿಂಗ ಶಿವಾಚಾರ್ಯರು, ಶ್ರೀ ಮಲ್ಲಿಕಾರ್ಜುನ ಗವಿಮಠ, ಮಾರ್ಸನಹಳ್ಳಿ ವಹಿಸಿದ್ದರು. ಉದ್ಘಾಟಕರಾಗಿ ನಾದ ಗ್ರಾಮದ ಸರ್ಕಾರಿ ಪ್ರೌಢಶಾಲೆಯ ಮುಖ್ಯಗುರುಗಳಾದ ಶ್ರೀ ಸಿ. ಎಂ. ಬಂಡಗಾರ ಭಾಗವಹಿಸಿ ಜ್ಯೋತಿ ಬೆಳಗಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು. ಅಧ್ಯಕ್ಷತೆಯನ್ನು ಶಾಲೆಯ ಪ್ರಾಂಶುಪಾಲರಾದ ಶ್ರೀ ಪ್ರಭಾಕರ ಪಾಟೀಲ ವಹಿಸಿದ್ದರು. ಮುಖ್ಯ ಅತಿಥಿಗಳಾಗಿ ಜಿಲ್ಲಾ ಸಮನ್ವಯಾಧಿಕಾರಿಗಳಾದ ಶ್ರೀ ರವೀಂದ್ರ ಬಂತನಾಳ ಉಪಸ್ಥಿತರಿದ್ದರು. ಕಾರ್ಯಕ್ರಮವು 9ನೇ ತರಗತಿ ವಿದ್ಯಾರ್ಥಿನಿಯರಿಂದ  ಪ್ರಾರ್ಥನಾ ಗೀತೆಯೊಂದಿಗೆ ಆರಂಭಗೊಂಡಿತು.  ಬಳಿಕ ವಿದ್ಯಾರ್ಥಿನಿಯರಿಂದ ಸ್ವಾಗತ ಗೀತೆ ಮನಮೋಹಕವಾಗಿ ಮೂಡಿಬಂದಿತು. ಕಾರ್ಯಕ್ರಮವನ್ನು ಶಾಲೆಯ ಹಿಂದಿ ಶಿಕ್ಷಕರಾದ ಶ್ರೀ ಬಸವರಾಜ ಭೂತಿ ಅವರು ಸೊಗಸಾಗಿ ನಿರೂಪಿಸಿದರು. ಕನ್ನಡ ಶಿಕ್ಷಕರಾದ ಶ್ರೀ ಧರೆಪ್ಪ ಬಿರಾದಾರ ಸ್ವಾಗತ ಭಾಷಣ ಮಾಡಿದರು.  ಶಾಲೆಯ ವಾರ್ಷಿಕ ವರದಿಯನ್ನು ಶಿಕ್ಷಕಿ ಶ್ರೀಮತಿ ರೂಪಾ...

  ಕಿತ್ತೂರ ರಾಣಿ ಚೆನ್ನಮ್ಮ ವಸತಿ ಶಾಲೆಗೆ ಜಿಲ್ಲಾ ಉಪ ನಿರ್ದೇಶಕರಿಂದ ಗೌರವಯುತ ಭೇಟಿ: ವಿದ್ಯಾರ್ಥಿನಿಯರಿಗೆ ಪ್ರೇರಣೆ ಆ ಲಮೆಲ, (ಆಗಸ್ಟ್ 25): ಇಲ್ಲಿನ ವಿಭೂತಿಹಳ್ಳಿಯ  ಕಿತ್ತೂರ ರಾಣಿ ವಸತಿ ಶಾಲೆಗೆ ಮಾನ್ಯ ಜಿಲ್ಲಾ ಉಪ ನಿರ್ದೇಶಕರಾದ ಶ್ರೀ ಮಹೇಶ್ ಪೂದ್ದಾರ್ ಸಾಹೇಬರು ಇಂದು ಸಾಯಂಕಾಲ ಗೌರವಯುತವಾಗಿ ಭೇಟಿ ನೀಡಿ, ವಿದ್ಯಾರ್ಥಿನಿಯರ ಮತ್ತು ಶಿಕ್ಷಕರೊಂದಿಗೆ ಸಂವಾದ ನಡೆಸಿದರು. ಅವರ ಜೊತೆಯಲ್ಲಿ ತಾಲೂಕು ಮಟ್ಟದ ಅಧಿಕಾರಿಯಾದ ಶ್ರೀಮತಿ ಭವಾನಿ ಪಾಟೀಲ್ ಮೇಡಂ ಸಹ ಉಪಸ್ಥಿತರಿದ್ದರು. ಈ ಸಂದರ್ಭದಲ್ಲಿ ಮಾನ್ಯ ಸಾಹೇಬರು ವಿದ್ಯಾರ್ಥಿನಿಯರೊಂದಿಗೆ ಆತ್ಮೀಯವಾಗಿ ಬೆರೆತು, ಅವರ ಸಮಸ್ಯೆಗಳನ್ನು ಸಹಾನುಭೂತಿಯಿಂದ ಆಲಿಸಿದರು. ಸಮಸ್ಯೆಗಳಿಗೆ ಶೀಘ್ರ ಪರಿಹಾರ ಒದಗಿಸುವ ಭರವಸೆಯನ್ನು ನೀಡಿದರು. ವಿಶೇಷವಾಗಿ, ವಿದ್ಯಾರ್ಥಿನಿಯರ ಮನೋಬಲ ಹೆಚ್ಚಿಸಲು ಮತ್ತು ಹೋರಾಟದ ನೋಭಾವವನ್ನು ಬೆಳೆಸಲು, ಡಾ. ಬಿ.ಆರ್. ಅಂಬೇಡ್ಕರ್ ಅವರ ಸ್ವರಚಿತ ಹಾಡುಗಳನ್ನು ತಮ್ಮ ಸುಶ್ರಾವ್ಯ ಕಂಠದಿಂದ ಹಾಡಿ ಮಕ್ಕಳಿಗೆ ಸ್ಫೂರ್ತಿ ತುಂಬಿದರು. ಶಿಕ್ಷಣದ ಮಹತ್ವ, ಪರಿಶ್ರಮ ಮತ್ತು ಸಮಾಜ ಸೇವೆಯ ಮೌಲ್ಯಗಳ ಬಗ್ಗೆ ಅಮೂಲ್ಯ ಮಾರ್ಗದರ್ಶನ ನೀಡಿದರು. ಶಿಕ್ಷಕರೊಂದಿಗೆ ಪ್ರತ್ಯೇಕವಾಗಿ ಸಭೆ ನಡೆಸಿದ ಅವರು, ಶಿಕ್ಷಣ ಕ್ಷೇತ್ರದಲ್ಲಿ ಬದ್ಧತೆ, ಹೊಣೆಗಾರಿಕೆ ಮತ್ತು ನೈತಿಕ ಮೌಲ್ಯಗಳ ಮಹತ್ವವನ್ನು ಒತ್ತಿ ಹೇಳಿದರು. ಶಾಲೆಯ ಗುಣಮಟ್ಟವನ್ನು ಹೆಚ್ಚಿಸಲು ಅಗತ್ಯ ಸಲಹೆಗಳನ್ನು ನೀಡಿದ...

  “ಎತ್ತಣ ಮಾಮರ, ಎತ್ತಣ ಕೋಗಿಲೆ, ಎತ್ತಣದೆತ್ತ ಸಂಬಂಧವಯ್ಯಾ!” ಎಂಬ ಗೀತೆ ಮನದಲ್ಲಿ ಮೂಡಿದಾಗಲೆಲ್ಲಾ, ನನಗೆ ಒಂದು ವರ್ಷದ ಹಿಂದಿನ ನೆನಪುಗಳು ಹಸಿರು ಹಸಿರಾಗಿ ಎದುರಿಗೆ ಬರುತ್ತವೆ. ಈ ಶಾಲೆಗೆ ವರ್ಗಾವಣೆಯಾಗಿ ಬಂದು ಇವತ್ತು ನಿಖರವಾಗಿ ಒಂದು ವರ್ಷ. ಹೊಸ ಪರಿಸರ, ಹೊಸ ಮುಖಗಳು, ಹೊಸ ಅನುಭವಗಳು. ಕಾಲಕ್ಕೆ ತಕ್ಕಂತೆ ಇಲ್ಲಿ ಹೊಂದಿಕೊಂಡು ಈ ವಾತಾವರಣದಲ್ಲಿ ಪ್ರೀತಿಯನ್ನು ಸಂಪಾದಿಸಿ ವೃತ್ತಿ ಆರಂಭಿಸಿದ್ದೇನೆ. ಆದರೂ, ಹಳೆಯ ಶಾಲೆಯ ನೆನಪು ಹೃದಯದ ತುದಿಯಲ್ಲಿ ಉಳಿದಿದೆ. ಆ ನೆನಪುಗಳು ಕಾಲದ ಹೊಗೆಯಲ್ಲಿ ಮಾಸದೆ, ಪ್ರತಿದಿನವೂ ನನ್ನನ್ನು ಕಾಡುತ್ತವೆ. ಹಿಂದೆ ನಾನು ಕರ್ತವ್ಯ ನಿರ್ವಹಿಸುತ್ತಿದ್ದ ಶಾಲೆಯ ನಿಲಯಪಾಲಕಿ ಶ್ರೀಮತಿ ಬಸಮ್ಮ ತಂಗಿ, ನೂರಾರು ಕಿಲೋಮೀಟರ್ ದೂರದಿಂದ ಒಂದು ದಿನ ಬಂದು ನನ್ನ ಮನೆ ಬಾಗಿಲಲ್ಲಿ ನಿಂತಳು. ಕೈಯಲ್ಲಿ ತುಂಬು ಬಟ್ಟೆಗಳ ಚೀಲ, ಮುಖದಲ್ಲಿ ತಂಗಿಯ ನಗು, ಹೃದಯದಲ್ಲಿ ಪ್ರೀತಿಯ ಹರಿವು. ಅವಳು ಬಂದು ನನ್ನ ಕೈಗೆ ರಾಖಿಯ ದಾರವನ್ನು ಕಟ್ಟಿದ ಕ್ಷಣದಲ್ಲಿ, ನನ್ನ ಕಣ್ಣು ಕಣ್ಣೀರು ತುಂಬಿ ಮಸಕಾಯಿತು. ಅವಳು ಮಾತಿಲ್ಲದೆ ಹೇಳಿದ ಸತ್ಯವೆಂದರೆ— “ಸಹೋದರ, ನಿನ್ನ ಮೇಲಿನ ನನ್ನ ಪ್ರೀತಿ ಎಂದಿಗೂ ಕಡಿಮೆಯಾಗುವುದಿಲ್ಲ.” ಆ ದಿನ ನನಗೆ ತಂಗಿಯ ಮಮತೆಯೇ ಸಿಕ್ಕಿತು. ರಕ್ತಸಂಬಂಧವಿಲ್ಲದಿದ್ದರೂ, ಹೃದಯಸಂಬಂಧ ಎಷ್ಟು ಆಳವಾಗಿರಬಹುದು ಎಂಬುದನ್ನು ಅವಳು ತೋರಿಸಿದಳು. ಇನ್ನೊಂದೆಡೆ, ನನ್ನ ಬದುಕಿಗೆ ಅಕ್ಕನ ಸ್ಥಾನ ಪಡೆದವರು ಶ್ರೀಮತಿ...

 ✨ ಸ್ನೇಹದ ಔತಣ – ಬಸವಕಲ್ಯಾಣ ಬಸವಣ್ಣನ ಆಧ್ಯಾತ್ಮಶಕ್ತಿ ತುಂಬಿರುವ ಬಸವಕಲ್ಯಾಣದ ನೆಲಗೆ ಮೊದಲಬಾರಿಗೆ ಕಾಲಿಟ್ಟೆವು. ಅಲ್ಲಿನ ಗಾಳಿಯೇ ಬೇರೆ — ಪ್ರತಿ ಹೆಜ್ಜೆಯೂ ಇತಿಹಾಸದ ಸ್ಪರ್ಶ, ಶರಣರ ಅನುಭವಗಳ ನಾಡಿದಂತಿತ್ತು. ಅಂಥವೇಳೆಯಲ್ಲಿ, ಆಗ ತಾನೇ ವರ್ಗಾವಣೆಯಾಗಿ ಅಲ್ಲಿಗೆ ಬಂದಿದ್ದ ಆತ್ಮೀಯ ಸ್ನೇಹಿತ ಇಸ್ಮಾಯಿಲ್, ತಮ್ಮ ದಂಪತಿಗಳೊಂದಿಗೆ, ಇಡೀ ಮನಸ್ಸಿನಿಂದ, ನಿಜವಾದ ಅತಿಥಿ ಸಂಸ್ಕೃತಿಯನ್ನು ತೋರಿಸಿದರು. ಅವರ ಮನೆಯಲ್ಲಿ ಪಡೆದ ಔತಣವಷ್ಟೇ ಅಲ್ಲ, ಅದು ಸ್ನೇಹ, ಗೌರವ, ಆತ್ಮೀಯತೆ, ಭಾವನಾತ್ಮಕ ಸಂಪರ್ಕ ಇವನ್ನೆಲ್ಲಾ ಒಟ್ಟಾಗಿ ಹೊತ್ತು ತಂದಿದ್ದ ಭೋಜನ. ನಾನು, ರಂಗು, ಸಂತು ಮತ್ತು ಶಿವು ಸರ್‌ ಜೊತೆ, ಮೌನಕ್ಕೂ ಮಾತಿಗೂ ಮಧ್ಯದಲ್ಲಿ ಮಿಡಿಯುತ್ತಿದ್ದ ಒಂದು ನಿಜವಾದ ಅನುಭವ… ಹಾಸ್ಯ ಚಟಾಕೆಗಳ ಮಧ್ಯೆ ಎದೆ ತುಂಬಿದ ಭಾವನೆ, ಹಸಿವಿನ ಹಿಂದೆ ಮೌಲ್ಯದ ಸ್ನೇಹ. ತಟ್ಟೆಯಲ್ಲಿ ಎಷ್ಟು ಅಡುಗೆ ಇದ್ದಿತ್ತೋ ಅವವರೆಗೂ, ಅದಕ್ಕಿಂತಲೂ ಹೆಚ್ಚು ಅವರ ಆತ್ಮದ ಆತಿಥ್ಯ, ಅವರ ನಗು, ಅವರ ಸೌಜನ್ಯಅವನು ನೀಡಿದ್ದು ಆಹಾರವಲ್ಲ, ಒಂದು ದಿನವನ್ನೇ ನೆನಪಾಗಿ ಉಳಿಯುವಷ್ಟು ಪ್ರೀತಿಯ ಉಡುಗೊರೆ. ಔತಣ ಮುಗಿದ ನಂತರ, ಅವರು ಧರ್ಮದಿಂದ ದೂರವಿದ್ದು, ಮಾನವೀಯತೆಯ ದಾರಿಯಲ್ಲೇ ನಮ್ಮ ಜೊತೆ ನಡೆದರು — ಬಸವಣ್ಣನ ಶರಣ ಸಂಸ್ಕೃತಿಯ ಬಗ್ಗೆ ತಿಳಿಸುತ್ತಾ, ಪ್ರತಿ ಪವಿತ್ರ ತಾಣವನ್ನು ತಾವು ತಿಳಿದಷ್ಟು ಎಳೆ ಎಳೆಯಾಗಿ ಹಂಚಿಕೊಂಡರು. ನಾವು ಬಸ್ ನಿಲ್ದಾಣ  ಕಾಲಿಡುವ ಹೊತ್ತಿನ...